MZALENDO "LAWYER J. BOKILO" ATAKA MAGUFULI KUONGEZEWA ULINZI, KAZI YA KUTUMBUA "MAJIPU" INAMTENGENEZEA MAADUI

J. F. KENNEDY

Kupitia Group la WhatsApp linalojulikana “Tabora Ndio Kwetu” mmoja wa washiriki wa Group hilo "Lawyer J. Bokilo" mnamo tarehe 22 Februari, 2016 alionyesha wasiwasi wake kiusalama kwa Rais Dkt. John Pombe Magufuli kwa kazi anayoifanya ya kutumbua “MAJIPU” huku akionekana kutembea wakati mwingine katika maeneo yenye Usalama Mdogo. 

Kazi hiyo ya kutumbua “MAJIPU” inamtengenezea maadui wenye nguvu ya fedha na ushawishi, ni vyema tahadhari za kimsingi za kiusalama zikachukuliwa.

Bokilo alitoa mfano wa Rais wa 35 wa Marekani J.F.Kennedy aliyeuawa mwaka 1963.

"Wazo hilo la Kizalendo limenifanya nipitie historia ya Dunia kubaini namna baadhi ya WAKUU WA NCHI walivyouawa kwa hila wakiwa madarakani wakiwahudumia wananchi wao."

BAADHI YA WAKUU WA NCHI WALIOUAWA WAKIWA MADARAKANI KATI YA MWAKA 1865 NA MWAKA 2011:

#	JINA LA MKUU WA NCHI	SIKU YA KUUAWA AU SHAMBULIO	AINA YA MAUAJI AU MUUAJI
1.	Abraham Lincoln	14 Aprili, 1865	Rais wa 16 wa Marekani alipigwa risasi kichwani na John Wilkes Booth alipokuwa akiangalia mchezo wa kuigiza na alifariki siku iliyofuata tarehe15 Aprili,1865. Muuaji John Wilkes Booth alifanyikiwa kutoroka lakini baadae alipigwa risasi na kufa.
2.	James Garfield	2 Julai, 1881.	Rais wa 20 wa Marekani alipigwa risasi na Charles J. Guiteau, lakini Rais huyo aliweza kuishi hadi tarehe 19 Septemba ambapo alifariki kwa sumu kwenye mzunguko wa damu yake. Charles J. Guiteau alishitakiwa kwa mauaji na baadae kuhukumiwa kunyongwa  tarehe 30 Juni, 1882.
3.	William McKinley	6 Septemba, 1901	Rais wa 25 wa Marekani alipigwa risasi mara mbili na Leon Czolgosz wakati  akitembelea maonyesho ya Pan-American yaliandaliwa Buffalo, New York.Rais huyo alikufa tarehe 14 Septemba, 1901.Muuaji alishitakiwa na kuhukumiwa kupigwa shot ya umeme hadi kufa tarehe  29 Oktoba, 1901.
4.	John F. Kennedy	22  Novemba, 1963	Rais wa 35 wa Marekani aliuawa kwa kupigwa risasi na Lee Harvey Oswald,wakati akiwa kwenye msafara wake Dallas, Texas. Baadae Jack Ruby alimpiga risasi na kumuua Oswald kabla hajafikishwa mahakamani.
5.	Hara Takashi	4 Novemba, 1921	Waziri mkuu wa 10 wa Japan alichomwa kisu na Nakaoka Kon'ichi katika Station ya Tōkyō. Muuaji aliachiwa huru miaka 13 baadae.
6.	Inukai Tsuyoshi	15 Mei,1932	Waziri mkuu wa Japan. Alipigwa risasi na askari 11 wa jeshi la nchi hiyo akiwa kwenye makazi ya waziri mkuu katika jiji la Tokyo.
7.	Paul Doumer	7 Mei,1932	Rais wa Ufaransa aliuawa kwa kupigwa risasi akiwa kwenye ufunguzi wa maonyesho ya Vitabu yaliyofanyika kwenye Hôteli ya Salomon de Rothschild jijini Paris na wakati huo akizungumza na mwandishi wa vitabu Claude Farrère ambapo Paul Gorguloff alifyatua risasi kadhaa na mbili zilimpata Rais huyo chini ya fuvu la kichwa na nyingine kwenye kwapa la kulia alianguka chini na baadae kufariki akiwa hospitalini jijini Paris.
8.	Crown Prince Louis Rwagasore	13 Oktoba, 1961	Waziri mkuu wa pili wa taifa la Burundi.Aliuawa akiwa anapata chakula cha usiku katika Hoteli club du lac Tanganyika katika jiji la Bujumbura, Burundi.
9.	Sylvanus Epiphanio Olympio	13 Januari, 1963	Rais wa Togo. Usiku wa manani Rais huyo aliamshwa na kundi la askari wa jeshi la nchi hiyo na kabla ya mapambazuko mwili wake uligunduliwa na balozi wa Marekani nchini humo Leon B. Poullada ukiwa umbali wa futi tatu nje ya mlango wa ubalozi wa Marekani.
10.	Pierre Ngendandumwe	15 Januari, 1965	Waziri mkuu wa Burundi aliuawa na mkimbizi wa kitusi kutoka Rwanda baada ya kuchaguliwa kuhudumu muhula wa pili wa wadhifa huo tarehe 7 Januari, 1965.
11.	Alhaji Sir Abubakar Tafawa Balewa	15 Januari, 1966	Waziri mkuu pekee wa Nigeria huru alipinduliwa na kuuawa na wanajeshi,mwili wake ulipatikana kando kando ya barabara jijini Lagos siku sita baada ya tukio hilo.
12.	François Tombalbaye	13 Aprili,1975	Rais wa Chad. Aliuawa na wanajeshi wa nchi hiyo.
13.	Park Chung-hee	26 Oktoba, 1979	Rais wa Korea ya Kusini aliiongoza nchi hiyo tangu mwaka 1961. Aliuawa kwa kupigwa risasi na mkurugenzi wa shirika la kijasusi la Korea KCIA Kim Jae-gyu.
14.	Muhammad Anwar El Sadat	6 Oktoba, 1981	Rais wa Misri aliuawa na askari wakati wa gwaride lilifanyika Cairo katika kusheherekea nchi hiyo kuvuka upande wa pili wa mfereji wa Suez.
15.	Indira Priyadarshini Gandhi	31 Oktoba, 1984	Waziri mkuu pekee mwanamke wa India. Aliuawa na walinzi wake wawili Satwant Singh na Beant Singh, kwa kumpiga risasi akiwa kwenye bustani ya makazi ya waziri mkuu yaliyopo barabara ya 1 Safdarjung , New Delhi.
16.	Sven Olof Joachim Palme	28 Februari, 1986	Waziri mkuu wa 26 wa Sweden. Aliuawa akiwa anatoka kuangalia sinema akiwa na mke wake Lisbet Palme ambapo walivamiwa na muuaji na kuwafyatulia risasi, wakati huo waziri mkuu huyo hakuwa na ulinzi.
17.	Thomas Isidore Noël Sankara	15 Oktoba, 1987	Rais wa Burkina Faso (1983-1987). Aliuawa kwa kupigwa risasi na kundi la askari walilokuwa na silaha katika mapinduzi yaliyoongozwa na rafiki yake wa zamani Blaise Compaoré.
18.	Melchior Ndadaye	21 Oktoba, 1993	Rais wa kwanza wa Burundi aliyechaguliwa kidemokrasia na wa kwanza kutoka kabila wa Wahutu aliapishwa tarehe 10 Julai, 1993. Alipinduliwa na kuuawa na jeshi la Burundi.
19.	Juvénal Habyarimana	6 Aprili, 1994	Rais wa Rwanda aliingia madarakani 1973.Aliuawa baada ya ndege aliyokuwa akisafiria kutunguliwa karibu na uwanja wa ndege wa kimataifa wa Kigali katika ndege hiyo pia alikuwemo Rais wa Burundi Cyprien Ntaryamira.
20.	Cyprien Ntaryamira	6 Aprili, 1994	Rais wa Burundi aliyeingia madarakani tarehe 5 Februari, 1994. Aliuawa kwenye ndege  pamoja na Rais wa Rwanda Juvénal Habyarimana.
21.	Agathe Uwilingiyimana	7 Aprili 1994	Waziri mkuu wa kwanza na akiwa mwanamke wa kwanza wa Rwanda. Alishika madaraka hayo tangu tarehe 18 Julai,1993 hadi kifo chake.Aliuawa katika mauaji ya kimbari.
22.	Yitzhak Rabin	4 Novemba, 1995	Waziri mkuu wa Tano wa Israel. Alihudumu misimu miwili katika wadhifa huo  1974-1977 na kisha 1992 hadi kifo chake.Aliuawa kwa kupigwa risasi tatu na Yigal Amir.Rabin alikuwa akihudhuria mkusanyiko wa Umma katika uwanja wa wafalme wa Israel (sasa hivi unajulikana kama Rabin Square) kwa lengo la kuunga mkono Makubaliano ya Oslo.
23.	Laurent-Désiré Kabila	16 Januari, 2001	Rais wa Jamhuri ya Kidemokrasia ya Congo tangu tarehe 17 Mei, 1997 baada ya kumfurusha Mobutu Sese Seko.Aliuawa na mmoja wa walinzi wake.
24.	João Bernardo "Nino" Vieira	2 Machi, 2009	Rais wa Guinea-Bissau .Alihudumu nafasi hiyo kwa mihula mitatu 1980-1984,1984-1999 na 2005-2009.Aliuawa na askari wa jeshi la nchi hiyo.
25.	Muammar Muhammad Abu Minyar al-Gaddafi	20 Oktoba, 2011	Rais wa Libya tangu mwaka 1969 hadi 2011.Aliuawa na wanamgambo wa Misratan baada ya kushindwa vita vya wenyewe kwa wenyewe.