 |
| Ibrahim Ajib wa Simba (kushoto) akimtoka beki wa Mbeya City, Haruna Shamte |
Klabu ya Simba ya jijini Dar es Salaam imejikita
kileleni mwa ligi kuu ya Vodacom Tanzania Bara baada ya kuibika na ushindi wa
mabao 2 kwa bila dhidi ya Mbeya City katika mechi iliyochezwa Jumapili kwenye uwanja wa
Taifa jijini humo.
Iliwachukua hadi kipindi cha pili cha mchezo huo,
wekundu hao wa Msimbazi kujipatia bao la kwanza na la pili kupitia kwa
wachezaji wake Danny Lyanga na Ibrahim Ajib kunako dakika za 75 na 90.
Ushindi huo umeifanya Klabu hiyo kufikisha pointi
48 ikiizidi Yanga inayokalia nafasi ya pili ikiwa na pointi 47 sawa na Azam FC inayoshika
nafasi ya tatu kwenye msimamo wa ligi hiyo.
Kocha wa Simba Jackson Mayanja amewashukuru
mashabiki wa klabu hiyo kwa kuendelea kuisapoti timu yao na pia amewapongeza
wachezaji wake kwa kuifunga Mbeya City kwa mara ya kwanza katika uwanja huo wa
Taifa.
Kwa upande wa kocha wa Mbeya City Kinnah Phiri
amesema vijana wake walicheza vizuri, walichokosa ni bahati ya kufunga magoli
kwenye lango la wapinzani wao.
No comments:
Post a Comment